Сурфање по каучи (1)

Најголемиот кауч-сурфинг сајт www.couchsurfing.com се пререгистрираше како корпорација по склучување на дозовор за над 5 милиони евра венчр капитал од два фонда во силиконската долина.

Каучсурфинг е социјална интернет мрежа на луѓе кои со цел да запознаат други култури и да креираат нови пријателства, ги отвараат вратите на својот дом за членови на мрежата. Крајниот резултат е доживување на местото каде што патувате заедно со некој кој живее таму, и сосема различно искуство од стерилно останување во хотел.

Во минативе 2/3 години имам хостирано неколку патници и дури дваесетина пати јас сум бил гостин во нечиј дом, почнувајќи од Пало Алто во силиконската долина до Сан Педро де Атакама во Чиле, село сред пустина од 2000 жители. Незаборавни искуства, и единствената работа која е заедничка за сите нив, е дека секое искуство е секогаш повеќе отколку што очекуваш.

Препорачувам да го разгледате сајтот, најдобар начин за вклучување во целата игра е да отворите профил и да примате патници кои проаѓаат низ вашиот град на 'coffee and drink' со тоа што тие ќе си останат во некое хо(с)телче, а вие ќе излезете на неколку часа на муабет, кафе и прошетка низ градот..

Откривајќи ја Македонија

Една и пол година покасно, нов пост. Фрлете еден поглед на www.alfaweld.mk. :)

Инцентиви

Она што го движи светот (за среќа) не е љубовта, туку инцентивите. Прашајте било кој економист и ќе ви каже дека може да ги реши сите светски проблеми со давање на инцентива на оние кои ги креираат да престанат. Дали било тоа пари, пиштол на чело, ридикул од општеството, проблемот ќе биде решен. Ова е ставот на авторите на Фрикономикс, кои имаат и еден поприлично интересен блог. Топла препорака. Бтњ, ако некој знае која е етимологоијата на оваа фраза, би бил бајаги заинтересиран да дознаам зошто препораките се често топли..

Како за крај, стих од музинзите на Зоран Анчевски за ветрот:

Ги пуштам сетилата надвор
ко претпазлива шепа на мачор
што не сака да сети бакнеж
на капка бистра вода.

Исус за претседател!

Митрополитот наш Европски Пимен (PeeMan, wonder where the name came from), пишува неделна колумна за Дневник. Онаа од вчера зборуваше за протестот на архитектите:

Како и да е, било и да не се повтори, оти како сме тргнале, не дај Боже, крваво ќе биде на камен-темелникот зашто тогаш во нечии раце ќе има и лопати.

Браво попови, уште малку ќе може да почнете аусторс за АРМ да правите.

Статуи и нервози

Значи, Економист вика:

Annoy Greece, put up more statues of Alexander

Не само тоа, ами А1 завчера на шала прашуваше дали ни требало биста од премиерот? Треба, одма до таа на александар велики. :)))

Околу тепањето и демократијата

Драги мои, како што се виде во саботата, протестот е ефективно решение за пренесување на порака. Малата студентска група кажа што имаше, Македонија слушна.

Околу плачките за тепањето, доста е.

Не е никаков проблем тоа што македонскиот студент/интелектуалец/социјален придонесувач изеде малку ќотек од своите сонародници.

Проблем е тоа што ќе се прави понатаму.

Сите админи на АрхиВостанието ги тргнаа имињата од фејсбук групата. Па зарем така ли? Пак ли анонимно ќе се буниме? Кога ќе има нареден протест? Кога ќе се соберат архитектите да дадат свој официјален осврт на тоа што им се случи? Има милион прашања, неколку точни, а премногу погрешни избори.

Сега, ова не треба да биде one time only event. Студентите, оние кои се чувствуваат млади, оние кои се чувствуваат повикани да придонесат за провејување на некои подобри ветришта во овие краеви, мора да најдат начин да се помират со оние кои ги/ве тепаа во саботата.

Тепачите се исто така неотуѓив дел од оваа држава, и горенаведените (да ги категоризираме како интелектуалци) имаат морална социјална облигација да ги едуцираат и да најдат начин да влијаат на нивното оформување и вклучување во нормален социјален тек. Начин да се објасни на нашиот помалку паметен мал брат, на нашиот комшија кој е во Вардаровите комити, на нашиот дедо кој се колне во ВМРО, дека можеби некои нешта не се така како што тие мислат. Да почнеме од протестов, но тоа тука не застанува, и не смее да застане.

Читам многу од студентите/набљудувачите се бунат за Самоил Малчески, студентскот лидер. Прво, каде беше барем еден од нив да се кандидира за претседател на ссукм? Каде е барем еден од нив сега да собере петиција за да му изгласаат недоверба? Премногу зборување, премалку акција. Многупати, оставајќи нешто да тече без да преземеме акција е еднакво на поддршка на лошата опција.

Така да, to sum up, јас сум среќен што студентите беа тепани. Камо да беа уште повеќе. Бидејќи само драстичен акт е потребен за да ги разбуди од декадниот зимски сон во кој се наоѓаат.

Comment se sentir "fyromien"?

Во тек со првиот круг на локалните избори L'Express/Le VIF имаат чланок за изборите во Македонија. Ништо спектакуларно тука, освен убавото сиже:

Cette tragi-comédie néoantique aurait de quoi faire sourire si elle ne fragilisait pas l'un des pays les plus pauvres d'Europe ... Les Macédoniens feraient bien de lire de plus près l'histoire d'Alexandre, leur héros national, mort à 33 ans, ses rêves irréalistes de conquête brisé...

Неоантичка траги-комедија. Како убаво го погодиле.

Не сакам црква на плоштад!

Прво архитектонско востание!

Ура за студенткиот активизам!

Како да најдеш богата жена

Од упатството на ВикиХау, секако со предупредување:

You might end up marrying a woman that you do not love. This is a good recipe for an unhappy life. Then again, this won't be such a big deal since you will be able to cash in on alimony payments when the marriage ends up in divorce.

Дали училиштата ја убиваат креативноста

Во својот Ted Talks говор, еден од најголемите светски поддржувачи на алтернативно школство Кен Робинсон објаснува зошто смета дека традиционалниот модел на школство ја ништи креативноста и имагинацијата кај децата.


Говорот, како и сите останати Ted Talks кои сум ги гледал, е фасцинантен. Авторот остро ја напаѓа стигматизацијата на уметностите во школството. Погледнете и сами.

Нов Блесок..

Новиот број на Блесок е тука. А од таму, една песна на словенската поетеса Луција Ступица која прв пат ја сретнувам:

Волшебна

Одиш по долгиот пат меѓу сонцето и темницата,
немирен страв се вцртува во коските.
Волшебна, велиш. И се вцрвенуваш. Повеќе не проговоруваш.

Те препозна ли некој во предолгите панталони,
во одот на ранлив елен, додека сосема сам
во толпата го ловиш урокливото сеќавање?

Дали стравот се создаде од овие луѓе? Ги снема ли фетишите?
Градови, премногу проѕирни за тебе и ти за нив?
Само таа се слизна, не знаејќи, во тебе,

каде што сега го нуди млечниот пат, медната дланка,
сите мириси и имиња на ветрот, болката и страста.
А во јазикот што го зборува сè се смее.

Би сакал да се наодиш. Тоа го знаеш. Надвор ништо
не се менува: можеш да ја засвиркаш мелодијата како
порано. А мислиш на неа. Волшебна, велиш. И се вцрвенуваш.

Назад или напред

Скоро година :) Seems like I'm..

Beginning to like the silence maybe too much.

В.

Томас Малтуз и средната класа.

Интересно, во рок од недела дена, три high-profile публикации решија да пишуваат на тема која го спомнува Томас Малтуз и ги разгледува неговите идеи во рамки на сегашните случувања.

Прво, Foreign Policy пишува за тоа дали светот може да си дозволи средна класа, и како со економскиот бум во BRIC земјите се зголемува потрошувачката на природни ресурси, што неминовно доведува до глобален раст на цените.

The impact of a fast-growing middle class will soon be felt in the price of other resources. After all, members of the middle class not only consume more meat and grains, but they also buy more clothes, refrigerators, toys, medicines, and, eventually, cars and homes.

Понатаму, The Economist пишува за тоа како Кина ги предводи земјите кои влијаат на овие текови. Фактот дека Кина е увозник на половина од светскиот цемент и третина од светскиот челик, додека задржува огромна стапка на економски пораст, е главниот причинител за порастот на цените на овие ресурси.

Name almost any mineral, and mining firms and investment banks can produce charts depicting how Chinese demand has doubled or tripled since the beginning of this decade. Last year China's copper imports surged by 80%.

За крај, Wall Street Journal дава поглобална слика на влијанието на популацијата врз распределбата на ресурсите, т.е. дали г-динот. Малтуз можеби бил во право. Томас Малтуз во неговата книга Есеј на принципите на популацијата кажува дека додека искористувањето на ресурсите расте аритметички, популацијата се зголемува геометриски, предвидувајќи криза која ќе доведе до војни, гладување, своевиден ребаланс на популацијата наспрем ресурсите. Во поновата историја се нема случено такво нешто; како што вели WSJ: „Секогаш имало нови ресурси за откривање, нови технологии кои го движеле растот“. Но:

In years past, the U.S., Europe and Japan have proven adept at adjusting to resource constraints. But history is littered with examples of societies believed to have suffered Malthusian crises: the Mayans of Central America, the Anasazi of the U.S. Southwest, and the people of Easter Island.

Останува впечатокот дека годините кои следат ќе бидат навистина интересни, Европа и САД ќе се тепаат за одржување на растот, BRIC-овите ќе растат и ќе ја освојуваат Африка во потрага по нејзините богатства.

Xkcd Стрипче

Ок, моето омилено вебстрипче е бај фар Xkcd, кој се дефинира себесеи како webcomic of romance, sarcasm, math, and language. Како математичар, многу од темите ми прават ептен ќеиф. Стрипот е издаден под Creative Commons лиценца, па еве неколку од омилените стари стрипчиња:

На патот кон НАТО...

На патот кон НАТО...