Xkcd Стрипче

Ок, моето омилено вебстрипче е бај фар Xkcd, кој се дефинира себесеи како webcomic of romance, sarcasm, math, and language. Како математичар, многу од темите ми прават ептен ќеиф. Стрипот е издаден под Creative Commons лиценца, па еве неколку од омилените стари стрипчиња:

На патот кон НАТО...

На патот кон НАТО...

Македонската берза и англискиот јазик

Global Politician е независен журнал за политика, економија и теконвни настани. Еден од уредниците е Сем Вакнин кој беше советник на сегашниот премиер додека беше на функција министер за Финансии. Г-динот Вакнин е еден од ретките кој пишува евалуативни критики за македонската политичка и економска состојба на англиски јазик. За жал (или среќа, зависи од точката на гледање) овие негови текстови, иако нугаторни во подолготраен рок, се она според кое странската јавност ја цени и критизира нашата економија како потенцијален бизнис партнер. Интересно е што никој од Македонската либерална интелигенција не го потегнал прашањето на непостоење на ready-made вести од државава на англиски јазик. Знам дека метаморфозис објавува нешто на англиски, а би претпоставил дека макфакс го прави истото. Сепак тоа се само чисти факти, а критики и коментари воопшто нема. Останува да видиме дали некој ќе ја пополни оваа niche празнина.

До тогаш, најновата колумна на Г-динот Ваикнин се осврнува на проблемите на Македонската Берза. Во еден од пасусите тврди:

This, exactly, is the current situation in Macedonia : impossibly high interest rates coupled with exceedingly low savings. There is basic mistrust between clients and their banks. They prefer other ways of keeping their money.

Високите рати кои ги критикува Г-динот Вакнин се условени од патот кон ЕУ кој го зацртавме, и начин на одржување на стабилна инфлација. Околу тоа не можеме многу, за наша среќа не применуваме Аргентински методи на девалуација на денарот и забрзан раст кој in the long run е навистина погубен по економијата. Проблемот кој Г-динот Вакнин го идентификува коректно е недовербата кон нашите банки, нешто што не се исправа преку ноќ.

Како други проблеми ги идентификува корупцијата, недоволната граѓанска свест за слободниот пазар, компаниските олигарси кои менаџментот не наоѓа за сходно да ги смени, и она што мене најмногу ми боде очи (и за кое што планирам да напишам поголема статија), владеењето на правото:

But legislation without an effective judicial and law enforcement systems is like a stock exchange without money. To enforce property rights in Macedonia takes ages and even then the outcome is not certain. Laws, regulations are in their embryonic stage and some of them seem to have had an abortion: they were hastily and unwisely copied verbatim from legal codices of other countries (Germany, Britain).

На крај, се истакнува конзервативноста на Македонскиот пазар, со одбивањето на нови финансиски инструменти, пред зе поради крајната неедуцираност на нашите финансиски институции и неоддржливоста на тргувањето со истите без соодветни познавања од нивно имплементирање и менаџирање на ризикот:

The typical capital market comprises state bonds and corporate stocks. In Macedonia for instance, the Securities Law actually allows for the issuance of corporate bonds and even for financial instruments such as short selling and options. But, because of the low level of general knowledge as well as the phase of development of the market, these instruments are not in place. Nobody is even willing to ask, or to do something to expand the range of tradable securities, which may be the most frightening thing. This leaves serious portfolio investors with very little flexibility and it may be the principal determinant of how these markets will develop in the mid term, and especially in the long term.

Најтопло ви препорачувам да ја разгледате целата статија, можеби и ќе научите нешто ново за Македонската Берза.

PS. Во најновиот број на Esquire има фотки од Kate Beckinsale. :)

Бомби и експлодирање

Денеска, во Europe.view колумната, The Economist пишува за Македонија и глупостите кои ни се случуваат деновиве:

IF YOU have an unexploded bomb on your doorstep, do not hit it with a hammer, especially if you hear it ticking. That would seem uncontroversial, except when the unexploded bomb is Macedonia and the hammer is wielded by Greece.

Македонски списанија (1) - Kapital

Веќе некое време сум во Македонија, и меѓу редовните странски четива кои ги следам, некако почнав да пратам што се случува кај нас на old print сцената. Прво од оние нешта кои ми западнаа во очи беше Kapital. За жал, по неколку прелистани и прочитани броја, морам да признаам дека сум де факто разочаран. Kapital е чедо на Љупчо Зиков, кој едно време беше во игра како директор на МКРТВ, а сега се занивава со организирање разни конференции на теми од менаџментот, економијата, новинарството.

Списанието е претежно стандардно замислено. Има одделени секции за инвеститори и менаџери, по некое интервју и секако тема на бројот. Од време на време има и екстра прилози на однапред дефинирани теми што е по урнек на The Economist. Секција за бројки која е украдена од Time, но ајде, бројки се бројки, концептот на бројки во вертикала никој не може да го патентира, а следствено и плагијатизира.

Но за жал, целосен текст и те како се плагијазира. Во фебруари The Economist објави текст за Бил Рупрехт. Во последниот број на Kapital го имаме истиот текст, само преведен на Македонски, со наслов Човекот што љуби бројки. Без никаква референца, указ од каде е земен. Ужас. Следната страница, со наслов Случајот на Боинг, преведен збор по збор од книгата The Self-Destructive Habits of Good Companies: ...And How to Break Them. Се прашувам само, дали дури и ја купиле книгата, или ова е плагијат од извадокот од книгата кој е објавен на еден сајт-агрегат на знаење на Универзитетот на Пенсилванија. Страна 72, текстот со наслов Шефови на штикли е збор-за-збор копија на статијата од The Economist Girl power.

Трагичното го најдовме. Комичното е тоа што и кога преведуваат, крадците од Kapital подлажнуваат по малку. Во истиот број од кој ги извадов сите статии спомнати во постов, почнува некаков си фељтон насловен Првенците на Кристендом во Македонија. Овој пат за среќа има цитација, кредитиран е Стефан Бонсал од Њујорк Тајмс, 1908 година. Неговиот чланок почнува вака:

EVERY Spring when the sparks fly upward and the geese and the blackbirds wend their way north, there is sure to be warlike news from the Balkans

Преводот на Kapital изгледа вака

Секоја пролет кога сончевите зраци стануваат посилни, а птиците го пробиваат својот пат од север, со сигурност може да се очекуваат вести за војна од Македонија

NB. италикот е моја додавка

Искрено немам зборови. Не ми е јасно која мака го натерала кутриот човек кој го преведувал ова да го смени зборот Балкан со Македонија. Ќе да е овој бран на солипсистички национализам кој ни ја има зафатено нацијата деновиве.

По мало веб пребарување, се испоставува дека ова не е ништо ново. Пред некое време имало и интерни препукувања заради плагијаторство на сопствени стории што резултирало со низа откази.(Се е во ред додека ние копираме некој, но дури кога нас ке почнат да не копираат сфаќаме дека не чини).

Да ги оставиме настрана и овие проблеми. Секцијата посветена на инвеститорите е премногу млака. Податоците се стари и неусогласени, па зарем е толку тешко на денот на печатење на весникот да се ископираат 5 табели од 5 различни веб сајтови, и цената на златото која ја објавуваат да не биде од пред 4 дена, а цената на барелот сурова нафта од пред 7!?? Се приметува недостиг на квалитетни луѓе кои би коментирале, и дури кога се прават посериозни статии, преовладува доза на несигурност и незнаење на основните економски закони. Сепак, ова е светски тренд предизвикан од огромниот раст на разновидни инструменти за тргување.

Сепак што да се прави со редакција од 16 луѓе кои претендираат да работат на сериозен политичко-економски неделник. Дури и оние викенд додатоци во дневните весници имаат поголема редакција, а нивна главна задача е да ископираат интервју со Бринти Спирс.

На крај, ред и да ги пофалам за интересните и донекаде успешни приказни за домашната сцена. Новинари на капитал се добитници на четири први награди (во изминативе шест години) за Најдобра Истражувачка Сторија кои ги доделува Македонскиот институт за медиуми. Анализите на домашната сцена се често подобри од она што може да се најде и прочита кај нас, но ова не е указ за нивниот голем квалитет, туку за очајната ситуација на нашето новинарство.

Add: Имав на ум да ја спомнам и веб страницата на Kapital, која е апсолутно очајна. Како што јас успеав да сфатам, бараат некаква си регистрација/плаќање за пристап до тековниот број, до чии линкови (иако се достапни на пример со менување на адресата директно) од главната страна може да се дојде само преку страница за регистрирање. В Во склоп на ова сивило се вклучува и сајтот на порталот Тотал, кој е во склоп на групацијата Капитал. Никаква естетика, лоши фонтови, мизерна прегледност и навигациа. Ми се допадна тоа што на сајтот на Тотал ги има за спуштање оние специјални прилози кои излегле во Kapital. Но се на се, офлајн фијаското е во сосесма ист стил надополнето со апатичните веб презентации.

I'm back

По година дена акумилирање енергија, а богами и продуктивно трошење, време е овој блог повторно да заживее. Овојпат ќе биде малку поразлично, друг мини-експеримент кој за разлика од оној стар напати новинарски пристап, ке ги гледа настаните кои ми се случуваат и ме засегаат директно на прилагоден laissez-faire начин.
Ок. Што се случуваше од Мај минатата година кога беше последниот пост? Во меѓувреме минаа многу личности, стари и нови, низ она што го викаме лична призма на животот. Еден куп познанства и дружења кои се единствен крупен белег на тоа што се случувало во минативе скоро 12 месеци. Патувања, скијања, едно магистрирање, џин и тоник.. Одиме понатака.